ՎՍՀ-ում ՀՀ դեսպան Վահրամ Կաժոյանի աշխատանքային այցը Դանանգ քաղաք:

30 մարտի, 2023

Ս․թ․ մարտի 30-ից ապրիլի 3-ը ՎՍՀ-ում ՀՀ դեսպան Վահրամ Կաժոյանն աշխատանքային այցով գտնվում էր Դանանգ քաղաքում:

Աշխատանքային այցի ընթացքում դեսպան Կաժոյանը հանդիպեց Դանանգ քաղաքի ժողովրդական կոմիտեի արտաքին կապերի դեպարտամենտի պետ պարոն Հույն Դուք Չուոնգի և Դանանգի բարեկամության կազմակերպությունների միության նախագահ պարոն Նգույեն Նյոք Բինի հետ։

Հանդիպումների ընթացքում կողմերը քննարկեցին երկկողմ հարաբերությունների զարգացմանը վերաբերող հարցեր՝ մասնավորապես Վանաձոր և Դանանգ քաղաքների միջև քույր-քաղաքների փոխըմբռնման հուշագրի կնքումը, Դանանգում Վիետնամ-Հայաստան բարեկամության ասոցիացիայի ստեղծումը և այլ խնդիրներ։

Աշխատանքային այցի շրջանակներում ՀՀ դեսպանը նաև այցելեց Դանանգում Վիետնամի Ամերիկյան համալսարան, որտեղ հանդիպեց համալսարանի տնօրենների և կառավարման խորհուրդների նախագահ տիկին Բին Տի Նգույեն Չանի, Վիետնամում համալսարանի ներկայացուցիչների գրասենյակի ղեկավար, Վիետնամ-Հայաստան բարեկամության ասոցիացիայի փոխնախագահ պարոն Ձունգ Ման Քուոնգի, դասախոսների և վարչական պատասխանատուների հետ։ Հանդիպումների ընթացքում պարոն Կաժոյանը քննարկեց Վիետնամի ամերիկյան համալսարանի և Հայաստանի համալսարանների միջև փոխըմբռնման հուշագրերի կնքման հնարավորությունը և հետագա համագործակցության հեռանկարները։

Դեսպան Կաժոյանը, որպես պատվավոր հյուր, մասնակցեց Միսս Հարավ-Արևելյան Ասիա գործարար կին 2023 թ․ մրցույթի եզրափակիչ փուլին։ Մրցույթն անցկացվում է ամեն տարի Հարավ-Արևելյան Ասիայի երկրների ասոցիացիայի և Հարավ-Արևելյան Ասիայի այլ երկրների հաջողակ կին գործարարների մասնակցությամբ։ Մրցույթի հաղթող ճանաչվեց Վիետնամի ներկայացուցիչը:

Դանանգ կատարած աշխատանքային այցի ընթացքում տեղի ունեցած հանդիպումներին ուղեկցում էր ՀՀ դեսպանի օգնական՝ տիկին Նգույեն Թան Թամը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր